Конституция жобасындағы негізгі ережелер айтылды

«Бізге ел азаматтарының азаттығы қажет». Жаңа Конституция жобасында ондай баптар көп деген Парламент Мәжілісінің депутаты Айдос Сарым жаңа Ата заңның негізгі ережелерін түсіндіріп өтті. Алдағы республикалық референдум мәселелеріне арналған кездесуге, сондай-ақ ЖИ және цифрлық даму министрі Жаслан Мәдиев қатысты.

Бізге ел азаматтарының азаттығы қажет. Ол заңмен, конституциямен қорғалуы тиіс. Әр адам сот алдында, конституциялық сот алдында өзін қорғай алатын дәрежеде болуы керек. Осындай баптардың саны көп. Азаматтардың құқықтары нақышталды, негізделді, бейімделді.