Алматыда халықаралық көрме ашылды

Алматыдағы Әбілхан Қастеев атындағы Ұлттық өнер музейінде «BUGIN»  деген атаумен халықаралық көрме ашылды. «AlmaLine» суретшілер бірлестігі ұйымдастырған көрмеге  Қазақстан, Қырғызстан, Өзбекстан және Ресей шеберлерінің 100-ден астам кескіндеме, графика және мүсін туындысы ұсынылды. Суретшілер картиналарында өткен мен болашақты емес, осы шақтың бейнесін салған. Көрме 27 наурызға дейін жалғасады.

Санжар Сырғабаев, Көрме жетекшісі:

Көрменің аты айтып тұрғандай, бүгінгі күннің тынысын, күнделікті тұрмыстың күйбең тіршілігін, күнделікті біздің смартфондарға, техникаға, жасанды интеллект әлеміне кіріп кетуімізді суретшілер шынайы ешбір қиялсыз, суретшілік медиатр ретінде осындай өздерінің жұмыстарын ұсынды.