Жаңа Конституция жобасы бойынша жұмысшылармен ашық кездесу өтті

Сонымен республикалық референдумға 9 күн қалды. Осыған орай елімізде кең ауқымды ақпараттық науқанның жаңа кезеңі басталды. Парламент Мәжілісінің депутаттары Павлодарға барып, алюминий зауытының алаңында облыстың алюминий кластері мен энергетикалық кәсіпорындары өкілдерімен кездесті. Талқылау барысында Коалиция мүшелері өндірістік сала өкілдерінің назарын еңбек адамының мүддесін қорғау, жұмыс орындарындағы қауіпсіздік, әділ әрі кемсітусіз еңбекақы төлеу мәселесіне аударды. Заң жобасындағы әлеуметтік қорғау нормалары жайлы айтылды.

Нұрсұлтан Бейсембаев, «Қазақстан алюминий» АҚ жұмыскері:

Дәл осы құндылықтарды нығайтатын ол біздің жаңа конституциямыздағы нақты-нақты нормаларда көрсетілген. Мысалға айтсам, қауіпсіздік жайында әр азаматтың жеке деректерін, жеке ақпараттарын қорғау құқығы қарастырылған.Менің ойымша бұл қазіргі цифрлық заманда өте өзекті деп санаймын және 15 наурызда өтетін жалпыхалықтық Референдумға саналы түрде қатысып өз даусымды беремін.