Президент мерекелік концертті тамашалады

Мемлекет басшысы Халықаралық әйелдер күніне арналған мерекелік концертті тамашалады. Салтанатты кеш Астана Опера театрының сахнасында өтті. Онда Қазақстанның мәдениет қайраткерлері, белгілі әншілер мен шығармашылық ұжымдар өнер көрсетіп, көрермендерге әсерлі музыкалық бағдарлама ұсынды. Кеште ұлттық және классикалық шығармалар орындалып, әйелдер қауымына арналған жылы лебіздер айтылды.