Ақмола облысында полиция 2700-ден астам көлікті қауіпсіз жерге шығарып салды

Ақмола облысында патрульдік полиция қызметкерлері 2700-ден астам көлікке жол бастап, қауіпсіз жерге шығарып салды. Қалың қар мен қатты боран салдарынан жолда жүру қауіпсіз болып, кеше республикалық және облыстық маңызы бар жолдардың жекелеген учаскелерінде уақытша шектеу енгізілді. Осы уақытта жиналған көліктердің қауіпсіздігі үшін полиция оларды 12 автоколоннаға бөліп, жол бастады. Сондай-ақ құтқарушылар қар құрсауында қалған 46 адамды эвакуациялады. Көліктер Қорғалжын, Аршалы, Целиноград пен Ерейментау ауданындағы жолда қалып қойған. Олардың ішінде мектеп автобусы да бар. Барлық адамдар жылыту пунктеріне жеткізілді.