Астанада оқушылар мен студенттер қашықтан оқып жатыр

Еліміздің солтүстігі мен орталығында қыс ызғары әлі басылар емес. Синоптиктердің болжамынша, Астанада ауа температурасы -29 градусқа дейін төмендеп, желдің жылдамдығы секундына 30 метрге дейін жетуі мүмкін. Осыған байланысты мектептердегі барлық сыныптың оқушылары, сондай-ақ колледждердің 1-2 курс студенттері онлайн форматта оқып жатыр. Қалалық білім басқармасы тұрғындарды қауіпсіздік шараларын сақтауға және ауа райы туралы ресми хабарламаларды бақылап отыруға шақырады.