15 наурызда қоғамдық көліктер тегін жүреді

15 наурызда өтетін республикалық референдум күні Астанада қоғамдық көліктер тегін қатынайды. Елорда әкімдігінің мәліметінше, автобустар штаттық режимде сағат 06:00-ден 23:00-ге дейін жұмыс істейді. Бұл азаматтар дауыс беру учаскелеріне еш кедергісіз жетіп, өз таңдауын жасай алуы үшін жасалып отыр. Еске салсақ, референдум күні Түркістан облысының да бірнеше қаласында автобустар тегін қатынайды. Атап айтсақ, Түркістан, Кентау, Шардара, Сарыағаш және Арыс тұрғындары қала ішінде ақы төлемей қатынай алады.