5 аймақта су тасқыны болуы мүмкін

Еліміздің 5 өңірінде су тасқыны болуы мүмкін. Төтенше жағдайлар вице-министрі Кеген Тұрсынбаев осылай деді. Қазіргі кезде Tasqyn жүйесі Солтүстік Қазақстан, Ақмола, Шығыс Қазақстан, Абай және Қарағанды облыстарын қауіпті аймақтардың қатарына енгізген. Дегенмен елді мекендерге төнетін қауіп жоқ. Оның айтуынша, аталған бес өңірде қар қалың түскен және қатып қалған топырақ қалыңдығының деңгейі назарға алынып отыр. Вице-министрдің мәліметінше, күш құрылымдары төтенше жағдайға дайын, инженерлік жұмыстар толық аяқталған.