Таяу Шығыстан 9517 қазақстандық қайтарылды

Таяу Шығыстан Қазақстанға 9517 қазақстандық қайтарылды. Бұл туралы Сыртқы істер министрлігі хабарлады. Қазір Біріккен Араб Әмірліктерінен, Қатардан және Сауд Арабиясы Корольдігінен азаматтарды эвакуациялау жұмыстары жалғасып жатыр. Ал Оман, Бахрейн, Израиль, Иордания, Иран, Кувейт және Ливан елдерінен эвакуациялау шаралары аяқталуға таяды. Әр елдегі дипломатия өкілдері отандастарымызбен тұрақты байланыс жасап, іс-қимыл жоспарын нақтылап отыр, делінген министрлік хабарламасында.