Қазақстан мен Қатар қылмысқа қарсы күрес жөнінде келісімге келді

Мәжілісте Қазақстан мен Қатар арасындағы қылмыстық істер бойынша өзара құқықтық көмек туралы заң қаралды. Енді екі елдің бірінде заңға қайшы әрекетке барғандарды тергеуге тек бір мемлекеттің құзырлы органдары емес, біздің тарап та, Қатардан да өкілдер қатысады. Қажет болған жағдайда куәгерлерді, жәбірленуші мен сарапшыларды шақырту көзделген. Бұдан бөлек, есірткі, адам саудасы, терроризм секілді қылмыстарға қарсы бірлескен операциялар ұйымдастырылады.