Қарағанды облысында боранды күндері жолда қалған мыңдаған адам құтқарылды

Қарағанды облысынының патрульдік полиция қызметкерлері екі тәулікке ұласқан ақтүтек боранда жолда қалған мыңдаған адамға көмек көрсетті.

Бұл күндері жауған қалың қар мен қатты боранда жолда жүру қауіпті болып, республикалық автожолдар жабылды. Тәртіп сақшылары күшейтілген режимде жұмыс істеді. Қарағандыдан Астана бағытына қарай 600-ге жуық автокөлік, ал Астанадан Қарағандыға 3 мыңнан аса көлік қауіпсіз жерге жеткізілді. Сондай-ақ, полицейлер қар құрсауында қалған көліктерді шығарып, кейбірінің техникалық ақауын жөндеуге көмектесті. Қазіргі уақытта Қарағанды-Астана автожолы әлі де жабық. Тәртіп сақшылары ауа райы тұрақталғанша жолға шықпауға шақырады.