Ақтөбеде аутист балаларды қашықтан бақылауға болады

Енді аутизмге шалдыққан балалардың жүріс-тұрысын алыстан бақылауға болады. Ақтөбеде жүзеге асырылып жатқан жоба ата-аналардың көңілінен шықты. Жыл басынан бері өңірдегі 1400 балаға GPS-трекерлер берілген. Бұл құрылғыны алғаш болып облыстық арнайы түзету мектебінің оқушылары пайдалана бастады. Қазір мұнда 312 шәкірт білім алады. Оның көбінде аутизм белгісі бар. Мамандардың айтуынша, мобильді қосымша арқылы басқарылатын GPS-трекерді қолданбас бұрын психологпен ақылдасқан жөн.

Наташа Ақсотқызы, Ақтөбе тұрғыны:

Қосымшаны жүктеп алдық, онда барлығы анық жазылып тұр. Қалай қолдану керек екені. Менің балам мойнына жіппен байлағанды ұнатпайды, сондықтан шалбарына қыстырып жіберемін.