Жаңа Конституция жобасы кемел келешектің кепілі

Елімізде жүргізіліп жатқан саяси және әлеуметтік реформалардың басты мақсаты – мемлекеттілікті нығайту. Сондай-ақ халықтың әл-ауқатын арттырып, әділетті қоғам қалыптастыруды көздейді. Түркістан облысы, Ордабасы ауданының тұрғындарымен кездескен Президент кеңесшісі Мәлік Отарбаев саяси реформалардың маңызына тоқталды. Ел ішіндегі бірлік пен тұрақтылықты, әрі мемлекет тағдыры – әр азаматтың жауапкершілігі екенін атап өтті. Ауданның зиялы қауым өкілдері мен қоғам белсенділері, жастар мен мәдениет саласының қызметкерлері қатысқан басқосуда ел дамуы мен қоғамдағы өзекті мәселелер жайы да айтылды. Жұрттың ұсыныс-пікірлері тыңдалып, қоғамдағы өзекті мәселелер талқыланды.