Атырауда мұз жұқарып, балықшыларға ескерту жасалды

Атырауда Жайық өзенінде көктемгі жылымыққа байланысты мұз жұқарып, кей тұстары қауіпті бола бастады.

Осыған байланысты полиция қызметкерлері өзен жағалауында балықшыларға түсіндіру жұмыстарын жүргізді. Сақшылар мұз үстінде жүрудің қауіптері туралы ескертіп, қауіпсіздік ережелерін сақтауға шақырды.

Сондай-ақ көктем мезгілінде өзен маңында барынша сақ болып, жеке қауіпсіздікке жауапкершілікпен қарау қажеттігін айтты.