Атырауда өрттің алын алуға арналған экологиялық акция өтті

Табиғатты өрттен қорғайық! Атыраудағы Ақжайық мемлекеттік табиғи резерватының аумағында  Таза Қазақстан экологиялық акциясы аясында осындай шара өтті.  Жиынға 250-ге тарта эко-волонтер қатысты. Ұйымдастырушылардың айтуынша, табиғи аумақтардағы өрттің басым бөлігі адамдардың салғырттығынан болады. Мәселен былтыр  резерват екі рет өртеніп,  қаланы қалың түтін басты. Сондықтан халық арасында экологиялық ағарту жұмыстарын күшейту маңызды дейді жауапты мамандар.

Ерболат Ғұмаров, облыстық табиғи ресурстар және табиғат пайдалануды реттеу басқармасының басшысы:

Бұл жұмысты тек мемлекеттік органдар атқарғаны дұрыс деп есептемеймін. Сонымен қатар қоғам болып, соның ішінде жастар, тұрғындар насихаттау, алдын-алу жұмыстарын жүргізуі керек. Соған шақырамыз.