Цифрландыру: Мәслихаттардың аппарат басшылары оқытылады

Бүгінге дейін 1200-ге жуық депутат арнайы оқу курсына шақырылып, кәсіби тұрғыдан шыңдалды. Ал биыл басталған AI Governance 500 бағдарламасының аясында облыстық мәслихаттардың аппарат басшыларын оқыту қажет. Елордада өткен Мәслихат депутаттарының республикалық форумында Президент осылай деді. Мемлекет басшысының айтуынша, елімізде жасалып жатқан цифрлық өзгерістер орталық пен аймақтар арасындағы алшақтықты мейлінше азайтуы қажет. Алда толық цифрлық мемлекетке айналу мақсаты тұр. Сондықтан мәслихаттар да бұл үдерістен тыс қалмауға тиіс. Сондай-ақ жиында Президент Мәслихат депутаттарының сайлану тәртібіне қатысты мәселенің де басын ашты. Мемлекет басшысы Аймақтарда мажоритарлық, яғни бір мандатты жүйе сақталады деді.