Конституциялық реформаға Грекия ғалымдары пікір білдірді

Қазақстандағы Конституциялық реформаны Грекия ғалымдары да талқылап жатыр. Олардың пайымынша, жаңа Конституция жобасында елдің тұрақты дамуына тың серпін беретін бағыттар қамтылған.

Георгиос Атсалакис, Крит техникалық университетінің профессоры, экономист:

Қазақстан реформаларды жүзеге асыру үшін қолайлы сәтті таңдауға дағдысы бар екенін көрсетті. Президент Қ.Тоқаев жаңа Конституция жобасы арқылы реформалар мен өзгерістерді даналықпен жүргізіп отыр. Бұл реформалар география, саясат, экономика, қорғаныс, технология, мәдениет, яғни елдің дамуына ықпал ететін барлық саланы қамтиды. Сондықтан Қазақстанның Конституциялық реформаларына сәттілік тілеймін.