Ел қалаларында өткен шерулерге мыңдаған адам қатысты

Бүгін Ирактың батысында АҚШ-тың ұшағы құлап, экипаждың алты мүшесінің төртеуі қаза тапты. Қазір оқиғаның себебі анықталып жатыр. Дегенмен әуе машинасы шабуылдан немесе абайсызда құлатылды деген болжам жоққа шығарылып отыр. Ал Иран қалаларында «әл-Құддыс» күніне орай ауқымды шерулер өтіп, оларға мыңдаған адам қатысты. Тұрғындар АҚШ пен Израильдің туларын өртеп, Аятолла Әли Хаменеиді еске алды. Бүгінгі шеру кезінде Тегеранда жарылыс болып, бір әйел қаза тапқан. Ирандағы соғысқа байланысты бірер сағат бұрын Пентагон басшысы баспасөз маслихатын берді. Оның сөзінше, Ислам Республикасының жаңа лидерлері айтарлықтай жараланған.

Пит Хегсет, АҚШ қорғаныс министрі:

Иран билігінің жағдайы жақсы емес. Олар амалсыздан жасырынып жүр. Біз білеміз – өзін осы елдің жаңа жоғарғы лидері деп атаған адам жаралы болса керек. Кеше ол мәлімдеме жасады. Бірақ сол үндеуде не дауыс, не бейнекадр жоқ.