Қазақ тазысының көрмесі әрі тұқымдық байқауы өтті

Бүгін Алматыда қазақ тазысының көрмесі өтті. Сондай-ақ әлі есепке алынбағын иттер де байқауға қатысып, арнайы құжат алды. Қазақстан Кинологтар одағы ұйымдастырған шараға 100 шақты тазы қатысты. Олардың әрқайсысына сала сарапшылары  эксперттік баға беріп, тұқымның үздіктерін анықтады. Мамандардың айтуынша, мұндай шара қазақы тазыны насихаттауға, асылдандыру жұмыстарын жетілдіруге және ит өсіру мәдениетін дамытуға ықпал етеді. Айта кетейік, бүгінде Жетісу облысында 200 тазы мен төбетті баптайтын арнайы орталық саланып жатыр екен.

Жақып Есболаев, «Қазақы ит тұқымдары» ұлттық орталығының басшысы:

Енді біздің жұмысымыз осы көбейтілген санның арасынан сұрыптап, ішіндегі біздің ұлттық құндылыққа қайсысы жақын, қайсысы бағалы соларды әрі қарай өсіріп, өңдеу. Бүгінгі көрмеде жеңімпаз болған иттер, жоғары баға алған иттер тазыны бағып өсіруге қолданылады.