Елдің барлық өңірінде Қазақстан Республикасының Конституциясының жаңа жобасы бойынша республикалық референдум өтіп жатыр

Бүгін тәуелсіз Қазақстан тарихындағы маңызды саяси күн. Елдің барлық өңірінде Қазақстан Республикасының Конституциясының жаңа жобасы бойынша республикалық референдум өтіп жатыр.

Бір сағат бұрын ашылған дауыс беру учаскелері кешкі сағат 20:00-ге дейін жұмыс істейді.

Бюллетеньде бір сұрақ және екі жауап нұсқасы берілген. Онда «Жобасы 2026 жылғы 12 ақпанда бұқаралық ақпарат құралдарында жарияланған Қазақстан Республикасының жаңа Конституциясын қабылдайсыз ба?» деген сұрақ қойылады.

Ал төменгі бөлігінде екі жауап нұсқасы ұсынылған. «Иә, қабылдаймын» және «Жоқ, қабылдамаймын».

Әр азамат арнайы кабинада тек бір нұсқаны белгілеп, өз таңдауын жасайды.