Respublica партиясының депутаттары азаматтық ұстанымын білдірді

Мәжілістегі Respublica партиясының фракциясы да референдумда таңдау жасады. Партия мүшелері тарихи кезеңде әр адам жауапкершілікті сезінуі қажет дейді. Сондықтан дауыс беру орнына бірауыздан келіп, азаматтық ұстанымын білдірді. Сондай-ақ олар ұлыс күні қарсаңында ұлттық киімді дәріптеуді де ұмыт қалдырған жоқ. Ұлтымыздың тарихын, бай болмысын айшықтайтын киім киіп, үлгі-өнеге көрсетті.

Айдарбек Қожаназаров, Мәжіліс депутаты:

Референдумға дейін біз үлкен жұмыс атқардық. Бүкіл елді аралап, форумдар ұйымдастырып, елмен ақылдастық. Ой-пікір жинадық. Менің ойымша, бүгінгі шара бүкіл ел үшін маңызды. Бүгін біз бағытымызды таңдап жатырмыз.