Тәуелсіз байқаушы: Ақтөбе халқы белсенді

Ақтөбе қаласында жұмыс істеп жатқан тәуелсіз байқаушылардың айтуынша, халықтың белсенділігі жоғары.

Тұрғындар әр сұраққа нақты әрі сенімді жауап беріп жатыр. Өз таңдауын жасап шыққан халықтың көңіл-күйі көтеріңкі. Көптеген референдум учаскелерінің алдында концерттік бағдарлама мен ұлттық ойындар ұйымдастырылған. Жалпы, саяси науқанға деген халықтың жауапкершілігі анық сезіледі, - дейді байқаушылар.

Татьяна Сұлтанғалиева, тәуелсіз байқаушы:

Жеке деректерін сұрамаймыз. Сондықтан азаматтар өздері туралы мәліметтердің қауіпсіздігіне уайымдамаса да болады. Ақпараттарды зерттеу орталығына жібереміз. Аңғарғанымыз – тұрғындардың белсенділігі жоғары. Референдум учаскелерінің саяси науқанға жақсы дайындалғаны көрініп тұр.