Референдум Брюссель назарында

Елдегі жалпыұлттық референдумды Брюссельдегі Еуропалық сарапшылар да жіті назарда ұстап отыр. Олардың пайымынша, жаңа Конституция жобасын қоғам талқылауына салып, шешім қабылдауды референдумға шығару – демократиялық үрдіс.

Колин Стивенс, «EU Reporter» ақпараттық агенттік жетекшісі:

Үкіметтеріңіздің жаңа Конституция жобасын әзірлеуге қыруар күш-қуат жұмсағанына тәнтімін. Биліктегілердің бұған асқан жауапкершілікпен қарауы-жоғары бағаға лайық. Бұл олардың өз халқының мүддесін ойлайтынын көрсетеді және елдеріңіздің қоғамдағы орны мен әлемдегі абыройы үшін алаңдайтынын білдіреді.