Түркиялық байқаушылар учаскелерді аралады

Шетелдік байқаушылар референдум учаскелерін аралап саяси науқанның ашықтығын бақылап жүр. Астанадағы дауыс беру процесін қадағалаушылардың бірі Түркиядан келген делегация. Түркия Республикасы Жоғары сайлау кеңесінің төрағасы Ахмет Йенер әуелі қазақстандықтарды амал мерекесімен құттықтады. Азаматтар үшін ақпараттың ашықтығын, мүгедектігі бар азаматтар үшін жағдайдың жасалғанын атап өтті.

Бүгін Қазақстанның демократиясында өте маңызды күн. Референдум учаскелерін аралағанда барлық процестің ашық өтіп жатқанын байқадық. Азаматтар үшін ақпарат қолжетімді. Қазіргі уақытқа дейін 6 учаскеге бардық. Дауыс беру аяқталғанға дейін тағы бірнешеуін аралаймыз.