Ақмола облысында 18-ге толған азаматтар саяси науқанға араласа бастады

Ақмола облысында бүгінде 18 жасқа толған 7 мыңға жуық жас бар. Олар алғаш рет саяси маңызды науқанға қатысып, таңдауын жасауға, сөйтіп, мемлекет болашағына үлес қосуға конституциялық мүмкіндік алып отыр.

Көкшетауда референдумге қатысып, өзінің азаматтық ұстанымын білдіруге келген жастардың саны айтарлықтай көп. Әсіресе, 1 курс студенттері саяси науқанға бірлесіп келген. Сондай жастардың бірі 1-ші курс студенті - Айкөркем. Ол болашақта тарихшы болуды армандайды. Көпбалалы отбасында тәрбиеленген студент қыз референдумның ел болашағы үшін қаншалықты маңызды екенін түсініп келгенін айтады. Көкшетауда 79 референдум учаскесі жұмыс істеп тұр. Онда барлығы 139 мыңға жуық азамат тіркелген.

Айкөркем Асылбекқызы, студент:

Мен 18 жасқа кеше ғана толдым және осындай тарихи сәтке, референдумға, жалпы елімнің болашағына өзімнің үлес қосып жатқаныма шын жүректен қуаныштымын. Бұл өте қызықты, тарихи сәт.