Референдумда волонтерлер белсенділік танытып жатыр

Ақмолалық волонтерлер референдум күні де белсенділік танытып, ел өміріндегі маңызды науқанда өз таңдауларын жасады. Сондай-ақ, экологиялық акцияларын да назардан тыс қалдырмады,- дейді өңірдегі тілшіміз Бибінұр Әмірханқызы. Әріптесіміз қазір бізбен байланысқа шығып отыр.

Бибінұр Әмірханқызы, тілші:

Наурыз мерекесімен тұспа-тұс келген референдумге көкшетаулық волонтерлер белсенді қатысып жатыр. Көңіл-күйлері көтеріңкі. Қайырымдылық жасаудан танбайтын жастар бұл күні өз таңдауын жасап қана қоймай, жалғызілікті қариялардың аулаларын қардан тазартып, азық-түлік себеттерін таратуға үлес қосты. Ақмола облысында бүгінде 89 волонтерлік ұйым тіркелген. Онда шамамен 3600-ден астам ерікті жұмыс істейді. Қазір менің жанымда еріктілердің бірі Дидар Хамзин тұр. Дидар, көңіл-күйлеріңіз қалай?

Мен тұрған №18 референдум учаскесіне халық әлі келіп жатыр. Жалпы, облыста бүгінде 760 референдум учаскесі жұмыс істеп тұр. Кешкі 8-ге дейін 511 мыңнан астам ақмолалықтың дауыс беру мүмкіндігі бар.