Өңірде 2800 байқаушы референдум барысын бақылап отыр

Қостанай облысында барлығы  717 референдум учаскесі жұмыс істеп тұр. Ал ондағы тәртіп пен талаптың сақталуын барлығы 2800 байқаушы қадағалап отыр. Дәл қазір өңірдегі тілшіміз Мәдина Нағашыбай саяси науқан барысын баяндауға әзір.

Мәдина Нағашыбай, тілші:

Ләйла, қайырлы кеш! Мен қазір Қостанай қаласындағы №857 референдум учаскесінде тұрмын. Бұл жерде барлығы 2296 азамат тіркелген. Дауыс беру уақытының аяқталуына небәрі 1 сағат қалса да, келушілердің легі әлі үзілген жоқ. Дегенмен дені таңғы уақытта белсенділік танытты. Жалпы облыс бойынша  536 824  адам дауыс беру құқығына ие. Азаматтардың  арасында ерекшеленген жандар да болды, мысалы  18-учаскеге Қыдыр ата келіп, ақ батасын берді. 
Жалпы Наурыз мейрамы қарсаңында өтіп жатқан саяси науқандағы атмосфера ерекше. Әр учаске алдында жәрмеңке, шағын концерт өтті. Төріне киіз үй тігіліп, азаматтар ақтан дәм татты. Ал бұл жердегі талап-тәртіптің сақталуын өңірде байқаушылар жіті қадағалап отыр. Осы уақыт аралығында заң бұзу дерегі тіркелген жоқ.