Түркістан облысында референдумда жастар белсенділік танытты

Елімізде ең көп референдум учаскесі Түркістан облысында тіркелген. Тұрғындардың белсенділігі жоғары, көңіл күйі көтеріңкі. Кешкі сегізге дейін бас аяғы 1 млн 187 мыңнан аса азамат дауыс беруі мүмкін. Учаскелердің басым көпшілігі Сайрам, Сарыағаш, Жетісай және Төлеби аудандарында тіркелген.
Жастар жағы референдум учаскелеріне топ боп келіп жатыр. Түркістандағы халықаралық қазақ-түрік университетінде студенттер дауыс беру үшін кезек күтіп тұр. Ал Кентау қаласының Хантағы ауылында жаңадан отау құрған жас жұбайлар мектептегі референдум учаскесіне келіп дауыс берді.

Диас Қанатұлы, Хантағы ауылының тұрғыны:

Біз отбасы құрғалы бірінші үлкен қадамымыз. Еліміздің болашағына бір үлесімізді қостық деп санаймыз. Және бұл қадам үлкен біздің болашақ балаларымыздың болашағына, жалпы өркендеуімізге үлкен үлес қосады деп санаймыз.