Ел аумағындағы референдум учаскелері жабылды

Сағат кешкі 8. Яғни ел аумағындағы референдум учаскелері жабылды. 10 мың 388 учаске таңнан бері жұмыс істеді. Енді олар бюллетеньдерді санауға кіріседі. Референдум учаскесінен әріптесім Елдос Есенбол бізбен байланысқа шықты. Елдос эфирдесіз    

Елдос Есенбол, тілші:

Қайырлы кеш, Альбина! Иә, біз қазір Ұлттық академиялық кітапханада орналасқан №129 дауыс беру учаскесінде тұрмыз. Жаңа ғана 20:00-де Қазақстандағы барлық референдум учаскелері жабылды. Міне, дәл қазір менің артымда бюллетендерді санау үшін жәшіктерді ашып жатыр.

Жалпы ел бойынша 10 мыңнан аса референдум учаскесі жұмыс істеді. 12 миллион 461 мың адам үшін 12 миллион 586 мың бюллетень дайындалған еді. Саяси науқанның әділдігін қадағалауға 38 шет мемлекеттің және 11 халықаралық ұйымның 359 өкілі акредиттелді. Сондай-шетелдегі, дәлірегі 54 елдегі 14 мың 300 отандасымыз үшін 71 дауыс беру учаскесі ұйымдастырылған.

Жанна Тәуекелова, №129 референдум учаскесінің комиссия төрағасы: