Шымкент халқының 75% жуығы дауыс берген

Республикалық референдумда Шымкент халқының 75 пайызға жуығы дауыс берген. Әсіресе жастардың белсенділігі жоғары болды. 27 мыңнан астам жас бүгін алғаш рет өз таңдауын жасады. Ал дауыс беру барысының әділ әрі ашық өтуін 339 тәуелсіз байқаушы бақылады.

Ролан Қонысбеков, Республикалық «Дауыс» байқаушылар қоғамдық коалициясы Шымкент қалалық филиалының төрағасы:

Біздің байқаушылардың негізгі міндеті осы референдумның ашық әрі әділ өтуін байқауда. Қазіргі таңға дейін ешқандай заңбұзушылық, құқықбұзушылық анықталған жоқ, тіркелген жоқ.