Британиялық сарапшылар референдумға ерекше мән берді

Батыс сарапшылары референдумды елдің саяси жаңғыруындағы тарихи кезең ретінде бағалайды.

Британ-Қазақ бизнес қауымдастығының төрағасы Руперт Гудманның  айтуынша конституциядағы  өзгерістерді жалпыхалықтық дауыс беруге шығару – халық пен билік арасындағы кең ауқымды диалогтың көрінісі. Күрделі халықаралық жағдайда Қазақстанның саяси жүйені жаңғыртуы  ішкі тұрақтылықты нығайтады. Сондай ақ, негізгі халықаралық серіктестермен ұзақ мерзімді ынтымақтастыққа берік негіз қалыптастыруға мүмкіндік береді, - дейді Руперт Гудман.

Руперт Гудман, Британ-Қазақ қауымдастығының төрағасы:

Тәуелсіздік алғалы бері Қазақстан халқының тұрмыс деңгейі едәуір жақсарып, экономикасы айтарлықтай өсті, тікелей шетелдік инвестициялар көлемі артып, нарыққа бейімделген реформалар енгізілді. Бұл референдум Қазақстанның халықаралық аренадағы маңызын одан әрі күшейте түседі.