ШЫҰ миссиясы референдумға дайындықты жоғары бағалады

Халықаралық стандарттарға сай ашық, инклюзивті және әділ референдум өткізу - елдің тұрақты дамуы мен гүлденуінің кепілі. Осылай деген Шанхай ынтымақтастық ұйымының байқаушылар миссиясы Қазақстандағы республикалық референдум дайындығын жоғары бағалады. Бас хатшының орынбасары Олег Копылов дауыс берушілердің белсенділігін, учаскелердің даярлығына ерекше тоқталды. Олар жұмыстың белгілі бір әдісі шынайылыққа, саяси бейтараптылыққа, жариялылық пен ашықтыққа негізделгенін айтып,  референдумның әділ өтуін басты назарда ұстадық дейді. Сөздерінше, өңірлердегі барлық учаскеде заң бұзушылық болған жоқ.

Олег Копылов, ШЫҰ бас хатшысының орынбасары:

Дауыс беруге отбасымен бірге келген сайлаушыларды жиі байқадық. Бұл халықтың саяси науқанға бей жай қарамайтындығын көрсетті. Бұқаралық ақпарат құралдары өкілдерінің де ақпарат таратуда белсенді жұмыс атқарды. Әр учаскеде ұйымдастырушылық-техникалық  жұмыстар жоғары деңгейде ұйымдастырылған.