Трамп өзге елдерден Ормуз бұғазын ашуға көмектесуді талап етті

Иранға қарсы әуе шабуылы жалғасып жатыр. Израиль Тегеранға бүгін қайта соққы бергенін мәлімдеді. Иран да таңертең Израильдің қалаларына зымыран жіберген. Сонымен бірге Тегеран жексенбіде аймақ елдеріндегі америкалық нысандарын көздеп соққы берді. Сауд Арабиясы, Біріккен Араб Әмірліктері мен Қатар әуе шабуылына тойтарыс бергенін мәлімдеді. Ал АҚШ президенті Дональд Трамп Ормуз бұғазынан пайда көріп отырған елдерді су жолын ашуға үндеді. Мұны Ақ үй басшысы Financial Times газетіне берген сұхбатында айтқан. Бұл елдерден жауап болмаса, Трамп НАТО-ның болашағы бұлыңғыр болатынын ескертті.