Ливанда шабуылдан қаза тапқандар саны 800-ден асты

Ливанда Израильдің әуе шабуылынан мерт болғандар саны 850-ге жеткен. Олардың арасында балалар, әйелдер мен медициналық қызметкерлер бар. 2 мыңнан астам ливандық жараланған. BBC мәліметінше, елдегі БҰҰ-ның бітімгерлеріне шабуыл жасалған. Әзірге оған кімдер жауапты екені белгісіз. Ал Израиль мен Ливан арасында тікелей бейбіт келіссөздер болуы мүмкін деген ақпаратты Израильдің сыртқы істер министрлігі жоққа шығарды. «Хезболла» қаруын тастамайынша, бұл елмен келіссөз әзірге өтпейді деді. Дегенмен «Рейтер» агенттігінің хабарлауынша, атысты тоқтату мақсатында екі ел арасында жақын арада келіссөз болуы мүмкін.