Коалицияның 18 мыңнан аса байқаушысы мониторинг жүргізді

Референдумның заң шеңберінде өтуіне «Дауыс» қоғамдық байқаушылар коалициясының 18 мыңнан аса байқаушысы мониторинг жүргізді. Коалиция мүшелері ахуалдық орталық пен өңірлік штабтар референдум учаскелерінің ашылған сәтінен бастап жұмыс істегенін айтты. Олардың алдын ала бағалауына сәйкес дауыс беру процесі қолданыстағы заңнама талаптарына сәйкес өтті.

Осы науқанға дайындығымыз жақсы болды. Себебі тәжірибелі мамандар, өзі бұрыннан келе жатқан пулымыз бар, бірнеше науқандарды өткізіп келе жатқан адамдарымыз бар. Байқаушылардан келіп түскен ақпарат бойынша референдум комиссиясының жұмыстарына ешқандай ескертпе болған жоқ. Науқанның әділ әрі таза өтуіне кедергі жасайтын мәселелер туындаған жоқ. Барлығы заң шеңберінде.