Байқаушылар: Референдум халықаралық талаптарға сай өтті

Референдум халықаралық нормаларға сай өтті. Шанхай ынтымақтастық ұйымының байқаушылары осылай деді. Олардың сөзінше, саяси науқан кезінде заңға қайшы әрекет тіркелген жоқ. Халықтың, әсіресе жас буынның белсенділігі ерекше болды. Байқаушылар саяси науқан басталмай тұрып ұйымдастыру деңгейін көріп, оған жоғары баға бергенін айтады. Электоралды үрдіске енгізілген IT технологиялар мен комиссия мүшелерінің кәсібилігі де референдумның сәтті өтуіне сеп болды дейді.

Олег Копылов, халықаралық байқаушы:

Қазақстанға бұған дейін де байқаушы болып келгем. Референдумға дайындық, ұйымдастыру жағы жоғары деңгейде. Әсіресе цифрландыру тұрғысынан біраз ілгерілегенін атап өткім келеді. Бұл Қазақстанның мықты тұсы.

Кабылбек Мамбетаипов, халықаралық байқаушы:

Мен 11 учаскеде болдым. Халықтың белсенділігі өте жоғары болды. Әсіресе жастар көп. Бәрі көтеріңкі көңіл-күйде болды.