Сарапшылар: Жаңа Конституция адам капиталын дамытуға ықпал жасайды

«Республикалық референдум соңғы жылдары елімізде іске асырылып келе жатқан саяси реформалардың логикалық нүктесі болды». Қазақстандық қоғамдық даму институтының сарапшылары осылай дейді. Олардың айтуынша, Жаңа Конситуция ең алдымен адам капиталын дамытуға бағытталған. Бұл өзгерістер қоғамда қордаланған мәселелерді шешіп, ел дамуына жол ашады. Ал, эксперттік клуб мүшелері Жаңа Ата заң билік тармақтарының теңгерімін қамтамасыз етуге, саяси бәсекелестікті арттыруға және мемлекеттік басқару жүйесін жаңғыртуға ықпал етеді деген пікірде.