Павлодар өңірінде 58 елді мекенді су басу қаупі бар

Павлодар өңірінде 58 елді мекенді су басу қаупі бар. Олар Баянауыл мен Ақтоғай ауданының ең шалғай ауылдары. Дәл осы аумақтарға қыста қар көп түсті. Оның үстіне аймақта бірер күнде ауа температурасы 20 градусқа дейін жылып, мұздақтар күрт еруі мүмкін деген болжам бар. Сондықтан ауылдарға көмек көрсетуге облыс орталығынан техника, мамандар және еріктілері дайындалып жатыр. Қажет болған жағдайда шаруа қожалықтары мен жеке адамдардың иелігіндегі техниканы да жұмылдыруы мүмкін.

Думан Қыдырмоллаев, Павлодар облысы ТЖД бастығының орынбасары:

Ауылдарда қазіргі таңда ауа райын өздеріңіз көріп отырсыздар, күн жылынып келеді. Қазіргі уақытта қар шығару жұмыстары жүргізілуде және қандай да ауыл аймақтардағы өздерінің ауылдағы жергілікті атқарушы органдарындағы техникалары есепке қойылып, сайлыққа келтіру жұмыстары жүргізіліп жатыр.