Ташенев университетінде сарапшылар кездесті

Шымкенттегі Ташенев университетінде жаңа Конституцияның қабылдануына орай сарапшылар кездесуі өтті. Жиында Ата заңның қоғамның барлық саласының ілгері дамуына, мемлекеттілікті нығайтып, адам құқықтары мен  дәстүрлі  құндылықтарды қорғауға негіз болатыны айтылды. Әсіресе ғылым, білім және инновация салаларына ерекше басымдық берілгені экономиканың дамуына тың серпін береді дейді сарапшылар. Басқосуда әр баптың мән-маңызына тоқталған көпшілік ой-пікірлерін ортаға салды.

Қанат Байболов, Tashenev университетінің ректоры:

Заңдағы нақты баптарды студенттерге кураторлық сабақтарда толығымен жеткізу мәселесі бойынша қолға алатын боламыз. Әрбір Қазақстанның азаматы жетік, дұрыс түсініп білетін болса, алға қарай дамуымызға, өркендеуімізге өз жәрдемін береді деп ойлаймын.