Астанадан әскерге 1400 адам шақыртылады

Астанадан бір жарым мыңға жуық азамат әскерге шақыртылмақ. Көктемгі әскерге шақыру науқаны 16 наурызда басталып 30 маусымға дейін жалғасады. Астанадан шақыртылатындардың нақты саны 1400 адам. Құжаттарды рәсімдеу Smart Военкомат жобасы арқылы жылдамдатылмақ. Бұл бастаманың негізінде бүгінге дейін 457 мың азаматтың әскери қызмет уақыты кейінге қалдырылған. Әскер қатарына 18 бен 27 жас аралығындағы ер азаматтар шақыртылады. Олардың физикалық және психологиялық жағдайы мен денсаулығы жіті тексеріледі.