Қоқысты сұрыптау– қоршаған ортаға деген құрмет

Талдықорған жастары «Таза Қазақстан» экологиялық акциясы аясында қала көшелерін күл-қоқыстан тазартты.
200-ге жуық ерікті арнайы техникамен көшелерді аралап, қоқыс жинады. «EcoKeruen жобасына тұрғындар да атсалысты.Тұрмыстық қалдықтарын өткізіп, бастамаға қолдау көрсетті. Негізгі мақсат – экологиялық мәдениетті қалыптастыру және қалдықтарды сұрыптаудың маңызын түсіндіру. Сондай-ақ тұрғындардың қоршаған ортаға деген жауапкершілігін арттыру.
Арнай Байжұрынов, «Жетісу жастары» КММ директорының орынбасары:

Экокеруеннің қоғам үшін маңызы – ол халыққа көркем түрде, креативті түрде, жастарға, қала тұрғындарына жерде жатқан әр қоқыстың қоқыс себеттеріне немесе сұрыптау себеттеріне барып түсуі қиын дүние емес екенін және оның маңызы жоғары екенін жеткізу.