Атырау облысына биыл 29 мың түп тал егеді

Атырау облысында биыл 29 мың түп тал егіледі. Көгалдандыру жұмыстарының алғашқысы бүгін «Жаңару күніне» орай басталды. 200-ге жуық адам аймақта 5 мыңға тарта тал екті. Облыс орталығындағы «Жастар» саябағына 200 қылқанжапырақты ағаш отырғызылды. Тұрғындар серуендейтін аумақтарды көгалдандырып, оларға жайлы орта қалыптастыру мақсатындағы жұмыс алдағы уақытта да жалғасын табады. 

Эльмира Сыдықова, облыстық табиғи ресурстар және табиғат пайдалануды реттеу басқармасының бөлім басшысы:

Жалпы маусымдық кезең бізде сәуір айында басталады. Бүгін тек «Жаңару күніне» бастапқы шараларымыз жүргізіліп жатыр. Облыс бойынша 200-ге тарта адам қатынасты. Жастар, еріктілер, тұрғындар және мемлекеттік орган, мекемелер.