Нетаньяху: Иран уран байыту және баллистикалық зымыран жасау мүмкіндігінен айырылды

Иран, Израиль және АҚШ арасында шабуылдар жалғасып жатыр. Таңертең Тегеранда, Тель-Авивте жарылыс дыбысы естіліп жатты. Израиль премьер-министрі Биньямин Нетаньяху әуе шабуылдары Иранды уран байыту және баллистикалық зымыран жасау мүмкіндігінен айырды деп мәлімдеді. Оның сөзінше, Иранға қарсы операция қажет мерзімге дейін жалғасады. Ал Тель-Авивте израильдіктер үкіметтен барлық майданда соғысты тоқтатуды талап етіп, шеруге шықты. Олар атыс қашан аяқталатынын ешкім білмейді, миллиондаған адам уақытша паналарда жасырынуға мәжбүр деп ашынды. Иранға қарсы шабуылдар басталғалы Израильде 15 адам қаза тапқан.