Мәскеудегі қазақтар жаңа Конституцияға үміт артады

Жаңа Конституция халықтың мұң-мұқтажы, талап-тілегі мен үміт-сенімі ұштасқан тарихи құжат. Ол заманауи сын-қатерлерге де жауап береді. Қазақстандағы саяси реформаға қуанып, ізгі тілегін білдірген Мәскеудегі қазақтар елімізде болған өзгерістерді мұқият бақылағандықтарын айтады. Қандастар жаңа құжат Қазақстанды жаңа белестерге, жетістіктерге жетелейтініне сенімді. Тарихи Отанымен байланысты үзбеген олар жаңа Конституция өркендеуге жаңа серпін береді дейді.

Оразгүл Әбілдаева, Қазақ ұлттық-мәдени автономиясының мүшесі:

Шетелде жүрсек те, қазақ еліне қатты қуанамыз. Неге десеңіз, біздің көгілдір туымыз әлемге әйгілі болып жатыр. Еліміз жақсарса, қандай қазақ болса да, жаны ашып, қуану керек деп ойлаймын. Қазақстанның жаңа Конституциясы ернеп, ол еліміздің болашағы деп санаймын.