Мемлекет Басшысы Ресей президентімен телефон арқылы сөйлесті

Мемлекет басшысы Ресей Президентімен телефонмен сөйлесті. Владимир Путин Қасым-Жомарт Тоқаевты жаңа Конституцияны қабылдау бойынша жалпыұлттық референдумның табысты өтуімен құттықтады. Президенттер өзара қарым-қатынастың күн тәртібін талқылады. Мемлекет басшысы Ресей Президентінің мамыр айының соңында Қазақстанға жоспарлаған мемлекеттік сапары екі ел арасындағы стратегиялық серіктестік пен одақтастық байланыстарды нығайту тұрғысынан айрықша мәнге ие екенін атап өтті.  Владимир Путин Астанада өтетін алдағы келіссөздерге берілген мұндай бағамен келісетінін жеткізіп, екіжақты ынтымақтастық барлық стратегиялық салада қарқын алғанына назар аударды.