Парламент палаталарының спикерлері «Этноауыл» көрмесін тамашалады

Ал Астанада «Этноауыл» көрмесі ашылды. Наурыз мерекесіне орай ұйымдастырылған іс-шараға Сенат төрағасы Мәулен Әшімбаев пен Мәжіліс төрағасы Ерлан Қошанов қатысты. Парламент палаталарының спикерлері Наурыз мерекесінің елді жаңғыртудың жаңа кезеңімен тұспа-тұс келуінің мәні зор екенін атап өтіп, жиналғандарды мерекемен құттықтады. Айта кетсек, этноауылда елорда тұрғындары мен қонақтары үшін ұзындығы 12 метрлік туннель орнатылған. Мұнда келушілерге тарихты, қолөнер мен салт-дәстүрді таныстыратын тақырыптық экспозициялар ұсынылған. Бұдан бөлек, футбол, садақ ату және асық ату ойындарының жасанды интеллект негізінде жасалған цифрлық нұсқасы бар. Этноауыл 24-наурызға дейін жұмыс істейді.