Түркістанда 5 күнге созылған көкпардан Әлем чемпионаты өз мәресіне жетті

Түркістанда 5 күнге созылған көкпардан әлем чемпионаты өз мәресіне жетті. Финалда алаң иелері Өзбекстандық шабандоздарға қарсы тартысты ойын көрсетті.

Нәтижесінде Қазақстан ұлттық құрамасы 9-2 есебімен басым түсіп, Әлем чемпионы атанды. Осылайша Өзбекстан командасы күміс медальді місе тұтса, Ресей құрамасын 6-0 есебімен жеңген Ауғандықтар үздік үштікті түйіндеді. Айта кетейік араға 9 жыл салып ұйымдастырылған жаһан жарысына әлемнің 9 елінен келген командалар қатысты. Түркістандағы жаңа атшабарда өткен әлемдік аламанның жалпы жүлде қоры 30 миллион теңгені құрады.