Абай облысында жоғалған малшы 5 күннен кейін аман табылды

Абай облысында жоғалып кеткен малшы 5 күннен кейін даладан аман табылды. 56 жастағы тұрғын мал іздеп шығып, қайта оралмаған. Полицейлер мен ауыл тұрғындары тоқтаусыз іздеу жұмыстарын жүргізді. Нәтижесінде, малшы далада аман табылған. Жоғалған жылқыны іздеуге шыққан ол аяғынан ауыр жарақат алып жүре алмай жатып қалған. 5 тәулікке жуық далада қар жеп жан сақтаған көрінеді. Бойын суық алып, әбден әлсіреген. Полицейлер оны бірден ауруханаға жеткізді.