Маңғыстауда жағалаудан аққулардың өлексесі табылды

Маңғыстауда Каспийдің жағалауынан аққулардың өлексесі табылды. Қырылған аққулар Ақтауға жақын Сайын Шапағатов ауылы аумағындағы жағадан анықталған. Облыстық орман шаруашылығы және жануарлар дүниесі аумақтық инспекциясының мәліметінше, әзірге тек өлген 11 аққу тіркелді. Қанаттылар белгіленген тәртіп бойынша жойылды. Дегенмен, мамандар қала маңайында және Түпқараған ауданы аумағында мониторинг жұмыстарын жүргізіп жатыр.