Трампқа жаңа марапат табысталды

АҚШ-та жаңа марапат табыс етілді. «Америка бәрінен бұрын» атты жүлденің алғашқы иегері - Ақ үй басшысы Дональд Трамп. Республикалықтар президент бұл марапатқа бірден бір лайық лауреат деп мәлімдеді. Сыйлық Конгрестің ұлттық республикалық комитетінің шарасы кезінде назарға ұсынылды. Өкілдер палатасының спикері Майк Джонсонның айтуынша, жүлде лайық деп танылған тұлғаларға бұдан былай жыл сайын табысталады. Дегенмен болашақ лауреаттар қандай критерийлер бойынша таңдалатыны нақты айтылған жоқ. Алтын қыран бейнесінде жасалған мүсін «Жаңа алтын дәуірдің символы» деп аталды.